அபூலஹபின் விரலை நரகம் தீண்டாதா?

புகாரியில் இடம் பெரும் செய்தியின் நிலை என்ன?

நபிகள் நாயகம் (ஸல்) அவர்கள் பிறந்த செய்தியை அவர்களின் பெரிய தந்தை அபூலஹபிடம் கூறுவதற்காக அவனது அடிமைப் பெண் ஓடி வரும் போது மகிழ்ச்சி மிகுதியால் தன் சுட்டுவிரல் நீட்டி அந்தப் பெண்ணை அபூலஹப் விடுதலை செய்தான். இதன் காரணமாக அவன் நரகில் வேதனை அனுபவித்துக் கொண்டிருக்கும் போதுஇ அந்த விரலை மட்டும் நரகம் தீண்டாது. மாறாக அந்த விரலிலிருந்து நீர் சுரந்து கொண்டிருக்கும். அதைச் சுவைத்து அவன் தாகம் தீருவான்.

حَدَّثَنَا الْحَكَمُ بْنُ نَافِعٍ أَخْبَرَنَا شُعَيْبٌ عَنْ الزُّهْرِيِّ قَالَ أَخْبَرَنِي عُرْوَةُ بْنُ الزُّبَيْرِ أَنَّ زَيْنَبَ بِنْتَ أَبِي سَلَمَةَ أَخْبَرَتْهُ أَنَّ أُمَّ حَبِيبَةَ بِنْتَ أَبِي سُفْيَانَ أَخْبَرَتْهَا أَنَّهَا قَالَتْ يَا رَسُولَ اللَّهِ انْكِحْ أُخْتِي بِنْتَ أَبِي سُفْيَانَ فَقَالَ أَوَتُحِبِّينَ ذَلِكِ فَقُلْتُ نَعَمْ لَسْتُ لَكَ بِمُخْلِيَةٍ وَأَحَبُّ مَنْ شَارَكَنِي فِي خَيْرٍ أُخْتِي فَقَالَ النَّبِيُّ صَلَّى اللَّهُ عَلَيْهِ وَسَلَّمَ إِنَّ ذَلِكِ لَا يَحِلُّ لِي قُلْتُ فَإِنَّا نُحَدَّثُ أَنَّكَ تُرِيدُ أَنْ تَنْكِحَ بِنْتَ أَبِي سَلَمَةَ قَالَ بِنْتَ أُمِّ سَلَمَةَ قُلْتُ نَعَمْ فَقَالَ لَوْ أَنَّهَا لَمْ تَكُنْ رَبِيبَتِي فِي حَجْرِي مَا حَلَّتْ لِي إِنَّهَا لَابْنَةُ أَخِي مِنْ الرَّضَاعَةِ أَرْضَعَتْنِي وَأَبَا سَلَمَةَ ثُوَيْبَةُ فَلَا تَعْرِضْنَ عَلَيَّ بَنَاتِكُنَّ وَلَا أَخَوَاتِكُنَّ قَالَ عُرْوَةُ وثُوَيْبَةُ مَوْلَاةٌ لِأَبِي لَهَبٍ كَانَ أَبُو لَهَبٍ أَعْتَقَهَا فَأَرْضَعَتْ النَّبِيَّ صَلَّى اللَّهُ عَلَيْهِ وَسَلَّمَ فَلَمَّا مَاتَ أَبُو لَهَبٍ أُرِيَهُ بَعْضُ أَهْلِهِ بِشَرِّ حِيبَةٍ قَالَ لَهُ مَاذَا لَقِيتَ قَالَ أَبُو لَهَبٍ لَمْ أَلْقَ بَعْدَكُمْ غَيْرَ أَنِّي سُقِيتُ فِي هَذِهِ بِعَتَاقَتِي ثُوَيْبَةَ

சுவைபா என்பவர் அபூலஹபின் அடிமையாக இருந்தார். அபூலஹப் அவரை விடுதலை செய்திருந்தான். சுவைபா நபிகள் நாயகம் (ஸல்) அவர்களுக்கும் பாலூட்டியிருக்கிறார். அபூலஹப் மரணித்த பின் அவனது குடும்பத்தில் ஒருவரின் கனவில் மோசமான நிலையில் அவன் காட்டப்பட்டான். "நீ சந்தித்தது என்ன'' என்று அவர் அவனிடம் கேட்டார். அதற்கு அவன் "சுவைபாவை நான் விடுதலை செய்ததால் இதில் நீர் புகட்டப்படுகிறேன் என்பதைத் தவிர வேறு எதையும் நான் சந்திக்கவில்லை'' என்று கூறினான்.
நூல் : புகாரி 5101

கனவில் காண்பது மார்க்கம் ஆகாது. ஆனால் கனவில் கண்ட பல விஷயங்கள் நடந்து உள்ளது என்பதை ஒப்புக்கொண்டு தான் ஆக வேண்டும். மேலும் நபிகளாரும் கனவு என்பது நுபுவத்தின் ஒரு பகுதி என்று கூறி உள்ளார்கள்.

இதை எல்லாம் விட ஹதீஸாக பதிவு செய்யப்பட்டுள்ளது. அதுவும் புகாரியில் இருக்கின்றது. ஆனால் வஹ்ஹாபிகள் இந்த ஹதீஸை ஏற்பது இல்லை. காரணம் நபிகளார் ஸல்.... அவர்களால் ஒருவருக்கு பெருமை கிடைப்பதை விரும்புவதில்லை. மேலும் இந்த ஹதீஸ் சஹீஹ் தரத்திலும் உள்ளது. ஆனாலும் கட்டுக்கதை என்று வஹ்ஹாபிகள் ஹதீசையே கூற ஆரம்பித்துவிட்டார்கள். குர்'ஆனிற்கும் ஹதீசிற்கும் இந்த ஹதீஸ் முரண் என்று கூறுகிறார்கள். அப்படியானால் புகாரி இமாம் அவர்களுக்கும் மார்க்கம் தெரியாது என்று கூறும் இந்த வஹ்ஹாபிகள், ஹதீஸை மறுத்ததின் மூலம் குர்'ஆன் ஹதீஸ் என்று சொல்வதெல்லாம் மனோ இச்சைக்கு உகந்த விஷயத்தில் தான் என்றும், இவர்கள் நரகவாதிகள் என்றும் நன்றாக தெரிகிறது. இவர்களை விட்டு முஸ்லிம்கள் அனைவரையும் அல்லாஹ்பாதுகாப்பானாக!

மதுரை நாபிஈ